خبزة قاطو البرتقال
3بيضات مع قرصة ملح وكاس سكر ووحدة سكر فاني نخلطهم مع بعضهم وبعد نزيدهم كاس زيت وكاس حليب أو ياغرت
ثم نزيدهم نصف كاس عصير البرتقال ومبشور البرتقال ونخلطهم جيدا وبعد نزيدهم 2 كيسان فارينة مغربلة ومعاها 1 خميرة مرطبات ونخلطهم ونصب الخليط في القالب ونحطو في الفور 25 دقيقة على 200 درجة
وكي طيب نخرجوها ونسقوها بالصوص إلي متكون من كاس عصير برتقال نخلطوه مع 3 مغارف نشاء وأصفر البيضة نحطوه على النار لين يخثار شوية وبعد نستعملوه وصحة وبالشفاء
