اليوم بش نحكيو على الوثائق المطلوبة للحصول على المنحة الجامعية 2022 بالنسبة للطلبة الجدد
⬇️⬇️⬇️⬇️
شروط الحصول على المنحة :
- التسجيل بإحدى مؤسسات التعليم العالي العمومي
- أن لا يتجاوز الدخل السنوي الصافي للعائلة للسنة المنصرمة بعد طرح الأعباء الاجتماعية الأجر الأدنى المهني المضــمون والمقدّر بـــــــــ 5153 د
*الأعباء الاجتماعية :
تُطرح الأعباء الاجتماعية من الدخل الصّافي الخاضع للضّريبة وتتمثّل في ما يلي :
- 100 د عن كلّ طالب.
- 50 د عن كلّ أخ في الكفالة دون 21 سنة.
- 100 د عن كلّ معاق في العائلة.
- 1د عن كلّ كلم يفصل ولاية السّكن عن ولاية الدّراسة
الوثائق المطلوبة :
أول حاجة باش تعمل مطلب في الحصول على المنحة ( هذا المطلب موجود على موقع ديوان الخدمات الجامعية ) بعد ما تدخل تعمر المعطيات متاعك يجيك المطلب في شكل ملف pdf تقوم بتحميله و تطبعوا و هو في شكل أربعة أوراق
الورقة 1 :
هاذي تلقى فيها المعطيات إلي عمرتهم الكل وكان فما غلطى تنجم تصلحها بالقلم
الورقة 2 :
تلقى فيها الأوراق المطلوبة و تكتب فيها التاريخ و تصحح
الورقة 3 :
التزام لازم الولي يعمل تعريف بالإمضاء في البلدية
الورقة 4 :
تلقى فيها العنوان إلي باش تبعث عليه ملف الأوراق متاعك
1-نسخة من بطاقة التعريف الوطنية من الوجهين
2-مضمون ولادة حديث العهد
3-نسخة من شهادة الترسيم بإحدى مؤسسات التعليم العالي العمومي و ليس وصل خلاص التسجيل عن بعد
4-التصريح بالدخل السنوي للأشخاص الطبيعيين للأب و الأم من القباضة المالية الراجعين إليها بالنظر (الكتيب الأزرق و ليس الوصل)
5-عدم انخراط الأب و الأم في الصندوق الوطني للضمان الإجتماعي (CNSS) و في صورة الإنخراط كشف حساب أو بيان في جراية التقاعد السنوية
6-عدم إنخراط الأب و الأم في الصندوق الوطني للتقاعد و الحيطة الإجتماعية (CNRPS) و في صورة الإنخراط شهادة في اﻷجر أو بيان في جراية التقاعد السنوية
7-شهادة عمل اﻷب و اﻷم ان وجدت
8-الإلتزام ممضى و معرف من طرف الولي
9-مضامين الإخوة في الكفالة
10-نسخة من دفتر العلاج المجاني (إن وجد)
11-قرار الإحالة على التقاعد من وزارة التربية إذا كان الطالب من أبناء رجال التعليم
- في حالة وفاة أحد الوادين أو كلاهما:
- مضمون وفاة الولي
- بيان في جراية اﻷرامل السنوية
- في صورة عدم وجود جراية اﻷرامل الإستظهار بعدم إنخراط الولي المتوفي في الصناديق الإجتماعية(CNSS و CNRPS)
- في حالة طلاق الوالدين:
- نسخة من حكم الطلاق ينص على الحضانة
- الإستظهار بكافة وثائق الولي الحاضن فقط المشار إليها أعلاه في الوثائق التي تخص اﻷب *في حالة زواج الطاب(ة) :
- نسخة من عقد الزواج
بعد ما تكمّل تحضر الأوراق المطلوبة تحطهم في الملف و تلصق الورقة الرابعة متاع المطلب إلي فيها العنون و تمشي للبوسطة و تبعثوا ( مضمون الوصول ) و أكيد لازم تسحفظ بالوصل (reçu) إلي مدتهولك البوسطة.
