خبزة قاطو بالشكلاطة:
ناخذ 4 بيضات نزيدهم قرصة ملح ونخلطهم شوية، نزيدهم كاس سكر عادي ووحدة سكر فاني ونخلط لين يذوب السكر ، نصب كاس زيت ونخلط وكاس حليب وديما نخلط
بعد نغربل زوز كيسان فرينة ومعاها خميرة قاطو ونزيدهم 4 مغارف كاكاو ونصبهم في الخليط ونخلطهم بلقدا وبعد نصبهم في القالب متاعي ونحطهم في الفور إلي مسخنينو قبل على درجة حرارة180 درجة لمدة 30دق.
بعد ما طيب نخرجوها تبرد وبعد نقسموها إلى 3 طبقات وكل طبقة نسقوها بالحليب أو نسكافي بدون سكر.
ناخذو الطبقة اﻻولى بعد ما سقيناها نفرشوها بكريمة الشكلاطة إلي متكونة من:
شكلاطة سوداء نذوبوها ونزيدوها شوية حليب و مغرفة زبدة ونخلوها تغلي شوية ع النار ونطفي ونخليها تبرد في الثلاجة وبعد نخرجها جاهزة للإستعمال، نفرشها بين الطبقة والطبقة وبعد في الأخير من فوق نزينوها بصوص شكلاطة إلي هي شكلاطة ذوبناها في حمام مائي نغلفو بها القاطو الكل وبعد ندخلها للثلاجة شوية ونخرجها وصحة وبالشفاء.
