سوف نقدم لكم معلومات عن رخصة سياقة الدراجات النارية بالدارجة التونسية ليكون الأمر واضحا لجمبع المعنيين بالأمر.
القانون مفعّل عندو عامين للّي اعمارهم أكثر من 25 سنة. و لكن ابتداءا من جانفي 2024 باش تلتحق الشريحة العمرية 16-25 سنة بالقانون يعني إلي عمرو أكثر من 25 سنة مطالب برخصة السياقة عندو مدة موش من توا.. القانون من جوان 2021، فقط قسموهم شرائح عمرية على 3 سنين حتى وصلو للصغار، و في ما يخص إلي عندو رخصة سياقة للسيارة صنف ب راهي تعوّض رخصة السياقة للدراجات النارية صنف أأ .. آما ما يعوّضش البرمي للدراجات النارية من 125 صم3 فما فوق إلي هوما يلزمهم برمي خاص يتعدى وحدو يتسمى صنف أ.
توضيح آخر في خصوص رخص سياقة الدراجات النارية :
- في ما يخص رخصة السياقة إلي ولات مطلوبة للدراجات النارية الفئة الصغيرة (يعني 49 و فما فوق حتى لل 125 cc):
راهو كان عندك permis متاع كرهبة راهو فيه الصنف المطلوب للموتورات، إلي هو ال A1/أ1 ولا AA/أأ
باش ما يغلطوكمش ! و كان ما عندكش تمشي تعدي الكود بركه… الكود أكهو…. تاخو برمي صنف AA/أأ فقط ….
-نوعية المخالفة هي سياقة بدون رخصة (كيف إلي ينطبق عالسيارة بالضبط)
المخالفة ⛔ :
خطية مالية أقصاها 500د +
حجز الدراجة
أسعار رخصة سياقة الدراجات النارية في تونس 2024
للناس الي تسأل على أسوام امتحان السياقة النظري , هذه الاسعار الجديدة الي تمّ إقرارهم في موقع الوكالة الفنيّة للنقل البرّي , يعني انطلاقا من جانفي 2024 هذه هي الاسعار الي بش يتم التعامل بيها في مدارس تعليم السياقة :
ضبطت الوكالة الفنية للنقل البري 12 معلوما خاصا برخص السياقة والامتحانات المتعلقة بها ستطبقها انطلاقا من غرة جانفي 2024 .
وأوضحت الوكالة الفنية للنقل البري في بيانات نشرتها على موقعها الالكتروني ان التسجيل الاول لاجراء امتحان من الصنف “أأ” يستوجب دفع معلوم 40 دينارا في حين يتطلب إعادة التسجيل دفع مبلغ 15 دينارا، اما التسجيل لاجراء الامتحان من الاصناف من “ب الى “ز” فسيستوجب دفع 50 دينارا واعادة التسجيل مبلغ 25 دينارا.
وسيدفع الراغب في الحصول على نظير من مطلب الحصول على رخصة السياقة 10 دنانير وعلى تجديد رخصة السياقة 25 دينارا اما الحصول على نظير من رخصة سياقة فسيستوجب دفع 50 دينارا.
ويكلف الحصول على تعويض رخصة سياقة اجنبية او مؤهل عسكري 20 دينارا وتأجيل موعد اجراء الاختبار (النظري والتطبيقي) مبلغ 5 دنانير وهو نفس المبلغ المطلوب تقديم مطلب استئناف قرار سحب رخصة سياقة او اعادة النظر في قرار سحب رخصة السياقة.
وأكدت الوكالة الفنية للنقل انه لا يمكن عند إلغاء موعد اختبار نظري او تطبيقي بطلب من المترشح او بسبب غيابه عن الموعد المحدّد استرجاع معلوم التسجيل.
المصدر الوكالة الفنيّة للنقل البرّي .
