باش نعطيكم طريقة عمل عصير الليمون على الطريقة التونسية بوصفة ساهلة و بسيطة و بنينة. بدء من شهر جانفي تقريبا يرخص سعر الليمون في الشتاء لذا يجب عليك أخذ عولتك منه، لأن ما تنساوش بعد يغلى سعره.
🍋🍋🍋اعمل عولتك من توه من عصير ليمون citronade تلقاها كيف الدواء للجرح سواء لرمضان بقدرة ربي او حتى لفصل الصيف.
ب3 كعبات قارص متوسطين عملت اقل من لتر سيتروناد اللهما بارك
🍋🍋🍋معجون ليمون هبطت الروسات هنا فيها طريقة عمل السيتروناد التونسي .
❤️❤️❤️طريقتي في التحضير:
3كعبات قارص اغسلهم
ونحي القشره الصفراء zeste وبعد نحي القشرة البيضاء كلها باش ما يجيش مر.
قطع القارصه ونحي القلوب الي داخلها صب السكر حسب الذوق وارحيهم كلهم zeste والليمون والماء نصف لتر وصفي وذوق عدل السكر كيف ما تحب وخففها حسب الذوق زاده.
انا طلعتلي حوالي 700 او 800 مل حبيتها ثقيله فما ناس تحط كيس سكر فانيليا لكن هذا اختياري وليس ضروري.
