خبزة قاطو عيد ميلاد
باش نعطيك طريقة سهلة لعمل خبزة قاطو عيد ميلاد سهلة للجنواز نستحقو: 5 عظمات، 60ملل زيت،100ملل حليب،70غ فارينة، 8 مغارف كبار سكر، 2سكر فاني ورشة ملح
طريقة تحضير خبزة قاطو سهلة لعيد ميلاد:
ناخذو 5 بيضات نفصل الأبيض عن الأصفر،نأخذ أصفر البيض نزيدو شوية ملح والسكر نصف الكمية(يعني 4مغارف) والسكر فاني،نركضهم جيدا لين يبياض الخليط وبعد نزيدو الزيت والحليب وتواصل تركض وتزيد الفارينة وتكمل تركض وتخليه على جنب.
توا ناخذو أبيض البيض تحطلوا 3 قطرات ليمون ورشة ملح وتركض لين يبياض الخليط كيف الثلج وبعد تزيدو نصف كمية السكر المتبقية وتواصل تركض لين يولي قوام متماسك وفي الأخير تخلط الأبيض بالأصفر من فوق لللوطة باش ما يطيحش العظم، بعد تفرغها في طبق الفور مدهون بالزبدة والفارينة أو تفرش ورق الطبخ ودخل خبزة قاطو عيد ميلاد للفور 170 درجة 20 دقيقة
تحب طيب خبزة قاطو عيد ميلاد على مرتين بعد ما طيب تحب في وسطها كريمة إلي تحب عليها وغلفها بالقاناش شكلاطة وزينها وصحة وبالشفاء
