ينطلق يوم الاثنين 10 اكتوبر 2022 بث برامج radio son fm اذاعة تونسية تبث من العاصمة . يبدأ بث اذاعة راديو son fm من الساعة السادسة صباحا و ينتهي على الساعة الثامنة ليلا و تبث على تردد fm 100 .
و جاء على لسان مهاب بن قروي الناشط في منظمة انا يقظ في تدوينة له ما يلي:
ابتداء من 10 اكتوبر 2022 وكل يوم من 6 متاع الصباح حتى 8 متاع الليل باش تكتشفوا البرمجة الشتوية للإذاعة إلي تنجمو تسمعوها في تونس الكبرى على 100.0 FM ولا livestreaming على موقعنا sonfm.tn
من ناحية الشكل، الإذاعة حاولنا نوفرو فيها أحدث التقنيات والمعدات المخصصة للبث الإذاعي والرقمي باش نوصلولكم في أحسن صوت وصورة.
من ناحية المضمون، الإذاعة باش تضم أفضل الصحفيين والتقنيين ومقدمي البرامج وصناع المحتوى بمعدل اعمار ما يفوتش 25 سنة. الإذاعة نحبوها تكون البديل في المشهد الإعلامي المسموع وباش نحاولو أنها تكون بالحق صوت الشباب والمثقفين والمبدعين والاكاديميين والأقليات. وباش تكون زادة منصة للمجتمع المدني بمختلف اهتماماته وتوجهاته داخل تونس الكبرى وخارجها بشكل خاص.
باش نحكيو في برشة مواضيع، السياسة، الترفيه، المواضيع الاجتماعية، اقتصاد، كورة، startups، الصحة، الثقافة، وبرشة مواضيع أخرى باش نتناولوها من منظور جديد، وبروح شبابية خفيفة.
** الإذاعة هي قانونياً إذاعة جمعياتية تابعة لمنظمة أنا يقظ لكن خطها وميثاقها التحريري مستقلين تماماً عن المنظمة.
